CS Knowledge Base

Au començament de l'annada, se debanèron d'escaramochas frontalieras entre patrolhas belizianas e guatemalencas. De negociacions menats en Washington permetèron d'amaisar la situacion mai pas de reglar lo conflicte frontalier entre lei dos país.

Crisi politica grèva entraïnada per la decision dau president Alberto Fujimori de se presentar un tresen còp ais eleccions presidencialas, çò qu'èra defendut per la constitucion. Lo 28 de julhet, Fujimori (Peró 2000, 51,20%) foguèt elegit aisament còntra Alejandro Toledo (Peró Possible, 17,68%) mai l'amplor dei sufragis nuls (mai de 30%) e la participacion febla minèron sa legitimat. De mai, obtenguèt pas la majoritat au Congrès e lo cambiament de camp de plusors deputats en sa favor entraïnèt un escandòl de corrupcion suplementari e de trèbols dins lo país. Pasmens, entre lo 13 e lo 16 de novembre, lo Congrès aprofichèt un viatge en Brunei dau president per vòtar la desfisança. Lo 17, Fujimori s'enfugiguèt en Japon^[1] e desmissionèt seguit per son govèrn dos jorns pus tard. Un acòrd foguèt alora trobat entre lo Congrès e lo segond vice-president per organizar d'eleccions en 2001.