Къурукал (урус. Курукал) — Дагъустан республикадин Ахцегь районда авай хуьр. «Ахцегьрин» хуьруьнсоветдик акатзава.
География
Хуьр Ахцегь райондин юкьван пата, Ахцегь вацӀун кӀама, райондин администрациядин юкь тир Ахцегь хуьрелай 1 км яргъал ала. Ахцегь вацӀун эрчӀи къерехда, адаз Муглах вацӀ акахьзавай чкадал, Ахцегь ва Муглах кӀамарин лекъвера чка кьунва.
Тарих
Хуьруьн тӀварцӀин арадал атуникай кьве фикир ава. Садлагьайдав кьурвал «Къурукал» гафуни цив кьит чка мана гузва[1]. Кьведлагьай версиядиз килигна «къуру калар» — яни, калин кьурурнавай як.
Агьалияр
Йисариз килигна Къурукал хуьруьн агьалийрин дегиш хьунин динамика:
| Йис | 2002 | 2010 |
| Агьалияр | 828[2] | ↗ 878[3] |
2010 йисан агьалияр сиягьриз къачунин нетижариз килигна хуьре 356 касди уьмуьр ийизвай. Вири лезгияр, суни-мусурманар я.
Къурукалвияр Самур нугъатрин группадик акатзавай ахцегь нугъатдал рахазва.
Инфраструктура
Юкьван дережадин чирвилерин мектеб ва мискӀин кӀвалахзава.
Килигуниз лайихлу чкаяр
Къурукалар вичин гугурт квай чими ятарин гьамамрив машгьур я. Хуьре кӀуьд гьамам ава, патавни мугьманхана.
ТӀвар-ван авай ксар
- Алишев Мегьамед Ханларан хва — урусатдин футболист, 2012 йисалай «Дагдизель» ФКдин къугъвадайди.
- Эльдаров Халидин Жаферан хва — лезги алим, эдебиятдин критик, шаир ва публицист. Филологиядин илимрин кандидат. Урусатдин писателрин ва журналистрин Союзрин член. Дагъустан Республикадин образованидин отличник.
Шикилар
Къурукаларин юкьван чирвилерин мектеб
Къурукаларин чешме
Баянар
- ↑ Кияс Меджидов — Сердце, оставленное в горах Архивация 18 октябрь 2010 йисан.
- ↑ Данные Всероссийской переписи населения 2002 года: таблица № 02c. Численность населения и преобладающая национальность по каждому сельскому населенному пункту.
- ↑ 33. Численность постоянного населения Российской Федерации по муниципальным образованиям на 1 января 2010 г. Архивация 24 декабрь 2013 йисан.
ЭлячӀунар
 | ||
|---|---|---|
| Администрациядин юкь |  | |
| Хуьрер | ||
| Хуьруьнсоветар | ||
| Гадарнавай хуьрер | ||