CS Knowledge Base

Tacones lejanos é unha película española de 1991, dirixida por Pedro Almodóvar.

Rebeca traballa como locutora de telexornais nunha cadea que dirixe o seu marido, Manuel. Este último foi o grande amor da nai de Rebeca, Becky del Páramo, antes de que esta abandonase a súa filla para dedicarse á súa carreira como cantante. Manuel non sabe que Rebeca é filla de Becky.

Quince anos despois, a nai volve a Madrid para actuar e arranxar algunhas contas pendentes, especialmente a relación coa súa filla Rebeca. A noite da súa chegada, Becky cea con Rebeca e Manuel. Xuntos van ver un imitador de Becky, o transformista Femme Letal. Rebeca dille á súa nai que, cando tiña saudade dela, ía ver o seu imitador.

Como as relacións entre Rebeca e Manuel non van ben, el intenta reavivar o seu vello amor con Becky, que non acepta o seu ofrecemento, a pesar de que Manuel lle di que pensa divorciarse de Rebeca. Unha noite, Manuel aparece asasinado no seu chalé.

• Victoria Abril (Rebeca)
• Rocío Muñoz (Rebeca de nena)
• Marisa Paredes (Becky del Páramo)
• Miguel Bosé (Xuíz Domínguez/Femme Letal)
• Anna Lizarán (Margarita)
• Mayrata O'Wisiedo (nai do xuíz Domínguez)
• Cristina Marcos (Paula)
• Féodor Atkine (Manuel)
• Pedro Díez del Corral (Alberto)
• Bibi Andersen (Suzanna)
• Nacho Martínez (Juan)
• Miriam Díaz Aroca (Isabel)
• Juan José Otegui (capelán do hospital)
• Paula Soldevilla (enfermeira)
• Javier Bardem (Javier)