CS Knowledge Base

Martin Karplus, nado en Viena o 15 de marzo de 1930 e finado en Cambridge, Massachusetts, o 28 de decembro de 2024,^[1][2] foi un químico teórico estadounidense.

Foi profesor de química na Universidade Harvard dende 1979. Tamén foi director do Laboratorio de Química Biofísica, un laboratorio conxunto entre o Centre national de la recherche scientifique e a Universidade de Estrasburgo, en Francia. O seu irmán, Robert Karplus, foi un físico e educador internacionalmente recoñecido da Universidade de California en Berkeley.

En 2013 obtivo o Premio Nobel de Química.

Martin Karplus ten contribuído de forma significativa en moitos campos da fisicoquímica, incluíndo a espectroscopia de resonancia magnética nuclear, a dinámica química, a química cuántica, e sobre todo, as simulacións de dinámica molecular de macromoléculas biolóxicas.