CS Knowledge Base

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Bruce Lee (李小龍), nado como Lee Jun-fan o 27 de novembro de 1940 en San Francisco (California) e finado o 20 de xullo de 1973 en Hong Kong, foi un artista marcial e actor estadounidense de orixe chinesa.

Recoñecido expoñente de fama mundial e renovador das artes marciais de mediados do século XX, dedicou a súa vida a esta disciplina, estudou formalmente Wing Chun co mestre Yip Man, e creou o seu propio estilo persoal de arte marcial, Jeet Kune Do (JKD) ou "a arte do puño interceptor".

As súas películas, entrevistas e principalmente o seu carisma e influencia contaxiaron e estenderon o auxe da paixón polas artes marciais por todo Occidente, xerando unha onda de seguidores a través de todo o mundo. A súa pegada aínda perdura no tempo, de tal maneira que quedou na historia, como unha grande icona das artes marciais do século XX.