AGILE (acrónimo de Astro‐rivelatore Gamma a Immagini LEggero) é un observatorio espacial de raios gamma e raios X da Axencia Espacial Italiana lanzado o 23 de abril de 2007 mediante un foguete PSLV desde o Centro Espacial de Sriharikota.[1][3][5]

Características

AGILE é un observatorio espacial adicado á observación astronómica en lonxitudes de onda de raios X e raios gamma. O deseño, desenvolvemento e construción do satélite foi dirixido por Carlo Gavazzi Space en colaboración con varias institucións industriais e de investigación.[1][3]

É o primeiro satélite non indio lanzado como carga principal por un PSLV, e ademais da instrumentación científica leva a bordo o sistema de comunicación Rubin 6 para enviar datos a través da constelación de satélites Orbcomm.[1]

Instrumentos

AGILE leva dous instrumentos:[1][3][3][5]

  • a cámara de raios gamma GRID de gran angular, capaz de detectar fotóns gamma con enerxías de entre 0,3 e 200 MeV.[5]
  • o detector de raios X duros Super-AGILE, para o rango de entre 15 e 45 keV.[5]

Notas

  1. 1 2 3 4 5 6 7 8 9 10 Gunter Dirk Krebs (2011). Gunter's Space Page, ed. "AGILE" (en inglés). Consultado o 20 de marzo de 2012.
  2. 1 2 3 4 5 "AGILE en REAL TIME SATELLITE TRACKING" (en inglés). 2011. Consultado o 17 de xuño de 2011.
  3. 1 2 3 4 5 6 7 8 9 NASA (4 de novembro de 2011). "AGILE" (en inglés). Consultado o 20 de marzo de 2012.
  4. ↑ "Note verbale dated 11 March 2008 from the Permanent Mission of Italy to the United Nations (Vienna) addressed to the Secretary-General" (PDF). COMMITTEE ON THE PEACEFUL USES OF OUTER SPACE (08-54001 (E)): 2. 29 de maio de 2008. Consultado o 20 de marzo de 2012.
  5. 1 2 3 4 5 6 7 Mark Wade (2011). "AGILE" (en inglés). Consultado o 20 de marzo de 2012.

Véxase tamén

Ligazóns externas

source: http://gl.wikipedia.org/wiki/AGILE