1823 (MDCCCXXIII) foi un ano común comezado en mércores segundo o calendario gregoriano.
Acontecementos
- 1 de xaneiro - Arxentina: publicación do primeiro número de O Argos de Buenos Aires, que sinala unha nova etapa no xornalismo arxentino.
- 10 de setembro - Simón Bolívar nomeado presidente do Perú.
- 2 de decembro - James Monroe expón a doutrina que leva o seu nome establecendo a neutralidade dos Estados Unidos nos asuntos europeos e esixindo a súa reciprocidade.
- Fernando VII de España anula a Constitución de 1812 e restaura a monarquía absoluta grazas á intervención francesa dos Cen mil fillos de San Luis.
Nacementos
- 1 de xaneiro - Sandor Petofi, escritor húngaro (m. 1849).
- 8 de xaneiro - Alfred Russel Wallace, naturalista británico (m. 1913).
- 9 de xaneiro - Julián Gayarre, tenor español.
- 27 de febreiro - Ernest Renan, escritor, filósofo e historiador francés.
- 19 de marzo - Antonio Neira de Mosquera, xornalista e escritor galego (m. 1854).
- 4 de abril - Carl Wilhelm Siemens, enxeñeiro alemán.
- 22 de abril - Augusto Ulloa Castañón, avogado, xornalista e político galego (m. 1879).
- 23 de abril - Abdülmecit I, sultán otomán (m. 1861).
- 22 de xuño - José Elduayen Gorriti, político español (m. 1898).
- 15 de xullo - Alexandre de Hesse, primeiro príncipe de Battenberg.
- 21 de setembro - Leopoldo Martínez Padín, historiador, xornalista e poeta galego. (m. 1850).
- 21 de outubro - Emilio Arrieta, compositor español.
- 10 de novembro - Tomás María Mosquera García, político galego (m. 1890).
Mortes
- 17 de xaneiro - Zacharias Werner, escritor e predicador alemán (n. 1768).
- 26 de xaneiro - Edward Jenner, médico inglés, inventor da vacina.
- 20 de agosto - Papa Pío VII.
- 11 de setembro - David Ricardo, economista inglés.
- 8 de setembro - Antonio José Ruíz de Padrón, sacerdote, ilustrado e liberal, deputado nas Cortes de Cádiz (n. 1757).
- 7 de novembro - Rafael del Riego, militar e político liberal español.